Merkatarientzako eta ostalarientzako zerbitzuak eta dirulaguntzak
Zure establezimenduaren zerbitzua hobetzen lagundu nahi dizugu, hizkuntza kudeaketa egoki baten bidez. Jarraian duzu gure zerbitzuen eskaintza:
1.- Euskara ikasteko dirulaguntzak
2.- Merkatarientzako eta ostalarientzako ikastaroak
3.- Errotulazioa (barru zein kanpokoa) euskaraz edo ele bitan jartzeagatik dirulaguntzak
4.- Testuen doako itzulpena eta zuzenketa
5.- Zure establezimenduan euskaraz barra-barra!
6.- Euskara ikasten hasteko aplikazioa ostalarientzat (Erraza da)
7.- Taberna eta jatetxeetako menuak euskaratzeko bihurgailua
Apirilaren 29an zabalduko da Oporretan Euskaraz uztaileko udalekuetan izena emateko epea
2024 / 04
Apirilaren 29tik maiatzaren 7ra izango da zabalik Udaleko Euskara Zerbitzuak uztailean antolatzen dituen udaleku irekietan izena emateko epea. Internet bidez eman ahal izango da izena edo Euskara Zerbitzuaren bulegora bertara (Konstituzio plaza, 2) joanda, 09:00-14:00etara.
2013tik 2019ra (biak barne) jaio eta Donostian erroldatuta dauden haurrek parte hartuko dute udaleku irekietan. Uztailaren 1etik 26ra izango dira, astelehenetik ostiralera, 09:00etatik 13:30era; eta behar duten familiek zaintza zerbitzua izango dute 08:30etik 09:00etara.
Erraza da, ostalariek euskaraz oinarrizko hiztegia ikasteko mugikorreko aplikazioa
2024 / 01
Euskaraz oinarrizko hiztegia ikasteko sakeleko telefonorako aplikazioa da Erraza da eta, batez ere, ostalaritzako langileei bideratuta dago; jatetxe zein tabernetan bezeroei begira lan egiten duten profesionalei. Eusko Jaurlaritzaren eta Donostiako Udalaren elkarlanaren emaitza izan da aplikazio mugikorra.
Menu bihurgailua
Ostatu eta jatetxeetako menuak eta kartak euskaratzeko tresna da menu bihurgailua.
Tresnaren ezaugarriak
Tresna hau ez da itzultzaile automatiko bat. Menu eta jaki aukera ugaria euskarara bihurtzen duen tresna besterik ez da, modu erraz eta berehalakoan.
Bihurgailu hau etengabe hobetzeko asmotan gara, bidali zure iradokizunak eta berehala erantzuten saiatuko gara.
Nolanahi ere, beti da gomendagarria tresnak proposatutakoa euskaraz dakien norbaitek berrikustea.
Menu Bihurgailua
Itzulpen eta zuzenketarako tresnak
Euskarazko testuak sortzerakoan edota itzulpenak zein zuzenketak egiterakoan sortzen diren zalantzak argitzeko tresnak daude hemen eskura. Lan arloko idatziak zuzenak izan daitezen zenbait aholku, ohar, eredu eta adibide eskaintzen dira bertan.
